នគរបាលកម្ពុជា–កូរ៉េបង្កើតក្រុមពិសេស ដោះស្រាយករណីពាក់ព័ន្ធពលរដ្ឋកូរ៉េ២៤ម៉ោង

ក្រុមពិសេសសុវត្ថិភាពពាក់ព័ន្ធពលរដ្ឋកូរ៉េ ដែលនគរបាលកម្ពុជា និងកូរ៉េខាងត្បូងបង្កើតរួម បានបើកផ្លូវការនៅភ្នំពេញ ថ្ងៃទី១០ វិច្ឆិកា ដើម្បីពង្រឹងការឆ្លើយតបឆាប់រហ័សចំពោះហេតុការណ៍សុវត្ថិភាពរបស់ពលរដ្ឋកូរ៉េនៅកម្ពុជា។ ស្ថាប័នអនុវត្តច្បាប់ទាំងពីរចុះអនុស្សរណៈយោគយល់ថ្ងៃដដែល បង្ហាញកិច្ចសហការនគរបាលកាន់តែជិតស្និទ្ធ។ ក្រុមនឹងធ្វើការ២៤ម៉ោង ទទួលរបាយការណ៍ និងស៊ើបអង្កេតករណីពាក់ព័ន្ធពលរដ្ឋកូរ៉េ ជាពិសេសឆបោកអនឡាញ ឃុំខ្លួនខុសច្បាប់ និងជួញដូរមនុស្សឆ្លងដែន។ កូរ៉េគ្រោងបញ្ជូនមន្ត្រី៥ដល់៧នាក់ប្រចាំកម្ពុជា ដើម្បីទទួលការប្ដឹង ជួយសង្គ្រោះ និងសម្របសម្រួលការបញ្ជូនត្រឡប់ ពង្រឹងការចែករំលែកព័ត៌មាន និងប្រតិបត្តិការរួមនៅទីតាំង។ ការបង្កើតក្រុមកើតពីការព្រួយបារម្ភលើករណីពលរដ្ឋកូរ៉េត្រូវបោកបញ្ឆោត និងចាប់ពង្រត់នៅកម្ពុជាថ្មីៗ។ ក្នុងជំនួបចុងតុលា នាយករដ្ឋមន្ត្រី ហ៊ុន ម៉ាណែត និងប្រធានាធិបតីកូរ៉េខាងត្បូង លី ចេម្យ៉ុង ឯកភាពប្រើយន្តការនេះដើម្បីការពារពលរដ្ឋកូរ៉េនៅកម្ពុជា និងពង្រឹងសហការអនុវត្តច្បាប់ទ្វេភាគី។ សារព័ត៌មានយើងចងក្រងរាយការណ៍