កម្ពុជាបណ្ដេញជនជាតិវៀតណាម៥៧នាក់ ក្នុងនោះស្រី១៥នាក់

តាមការណែនាំរបស់ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ លោក ស សុខា អគ្គនាយកអន្តោប្រវេសន៍ លោក សុខ វាសនា បានណែនាំនាយកដ្ឋានពាក់ព័ន្ធឱ្យបណ្ដេញជនជាតិវៀតណាម៥៧នាក់ ក្នុងនោះស្រី១៥នាក់ ចេញពីកម្ពុជាកាលពីថ្ងៃទី១៣ ខែវិច្ឆិកា តាមច្រកព្រំដែនក្នុងខេត្តព្រៃវែង។ ករណីរបស់អ្នកទាំងនេះរួមមានការប្រើប្រាស់គ្រឿងញៀន ‘ប៉េងប៉ោងសប្បាយ’ ដែលសង្ស័យមានឧស្ម័ននីត្រូអុកស៊ីត ការស្នាក់នៅ និងធ្វើការខុសច្បាប់ រួមទាំងសកម្មភាពឆបោកតាមអនឡាញមួយចំនួន និងការចូលប្រទេសដោយគ្មានឯកសារ។ មួយចំនួនបានអនុវត្តទោសចប់ ពាក់ព័ន្ធនឹងការកាន់កាប់ ឬប្រើប្រាស់គ្រឿងញៀន។ អ្នកទាំងនេះត្រូវបានបញ្ជូនមកពីនាយកដ្ឋានប្រឆាំងគ្រឿងញៀន និងស្នងការដ្ឋាននគរបាលរាជធានីភ្នំពេញ ខេត្តស្វាយរៀង និងខេត្តព្រះសីហនុ។ ព័ត៌មានសរុប។