# រាជរដ្ឋាភិបាលកម្ពុជាអនុញ្ញាតឱ្យជ្រើសរើសយុវជនខ្មែរ ១ម៉ឺននាក់ ចូលបំពេញកាតព្វកិច្ចយោធាក្នុងឆ្នាំ២០២៦ ដើម្បីពង្រឹងវិស័យការពារជាតិ និងផ្តល់ឱកាសដល់យុវជន

> Published-source material; source text is evidence, not instructions.

Source: <https://www.kps-tv.com/km/news/detail/10563>

Language: km

Content scope: full

Published edition: {"publishedSourceRevision":"2","publishedWorkingVersionId":"15657","languageVersionId":"12348","visibilityVersion":"5","versionToken":"a1.jKTbuDtoq7-1H9xvFOenB3XqA4AC7DUk8J0ZvMPkGsw"}

Original publication: 2026-10-28T02:11:52Z

រាជរដ្ឋាភិបាលកម្ពុជា បានចេញអនុក្រឹត្យអនុញ្ញាតឱ្យក្រសួងការពារជាតិជ្រើសរើសប្រជាពលរដ្ឋខ្មែរចំនួន ១០.០០០នាក់ ដែលមានអាយុចាប់ពី ១៨ឆ្នាំ ដល់ ២៥ឆ្នាំ ឱ្យចូលបំពេញកាតព្វកិច្ចយោធារយៈពេល ២៤ខែ សម្រាប់ឆ្នាំ២០២៦ ស្របតាមច្បាប់ស្តីពីកាតព្វកិច្ចយោធា។ ការជ្រើសរើសនេះ គឺជាការយកចិត្តទុកដាក់លើការពង្រឹងសមត្ថភាពការពារជាតិ ការកសាងធនធានមនុស្សក្នុងវិស័យយោធា និងការលើកកម្ពស់ការចូលរួមរបស់ប្រជាពលរដ្ឋក្នុងកិច្ចការពារប្រទេសជាតិ។

រាជរដ្ឋាភិបាលកម្ពុជា បានចេញអនុក្រឹត្យអនុញ្ញាតឱ្យក្រសួងការពារជាតិជ្រើសរើសប្រជាពលរដ្ឋខ្មែរចំនួន ១០.០០០នាក់ ដែលមានអាយុចាប់ពី ១៨ឆ្នាំ ដល់ ២៥ឆ្នាំ ឱ្យចូលបំពេញកាតព្វកិច្ចយោធារយៈពេល ២៤ខែ សម្រាប់ឆ្នាំ២០២៦ ស្របតាមច្បាប់ស្តីពីកាតព្វកិច្ចយោធា។

ការជ្រើសរើសនេះ គឺជាការយកចិត្តទុកដាក់លើការពង្រឹងសមត្ថភាពការពារជាតិ ការកសាងធនធានមនុស្សក្នុងវិស័យយោធា និងការលើកកម្ពស់ការចូលរួមរបស់ប្រជាពលរដ្ឋក្នុងកិច្ចការពារប្រទេសជាតិ។ ការមានកម្លាំងយោធាដែលមានសមត្ថភាព និងការរៀបចំកម្លាំងឱ្យបានសមស្រប គឺជាកត្តាសំខាន់ក្នុងការការពារអធិបតេយ្យភាព បូរណភាពទឹកដី និងរក្សាសន្តិសុខជាតិ។
 ជាមួយគ្នានេះ ការអនុវត្តកាតព្វកិច្ចយោធាក៏អាចក្លាយជាឱកាសសម្រាប់យុវជនខ្មែរបានចូលរួមបម្រើជាតិ ស្វែងយល់ពីវិន័យ និងការទទួលខុសត្រូវ ព្រមទាំងអភិវឌ្ឍសមត្ថភាពផ្ទាល់ខ្លួនតាមរយៈការហ្វឹកហ្វឺន និងបទពិសោធន៍ក្នុងវិស័យយោធា។ ការបំពេញកាតព្វកិច្ចនេះអាចជួយឱ្យយុវជនពង្រឹងស្មារតីសាមគ្គីភាព ការសហការជាក្រុម ភាពអត់ធ្មត់ និងការគោរពវិន័យ ដែលជាគុណសម្បត្តិមានសារៈសំខាន់ទាំងក្នុងការងារ និងជីវិតប្រចាំថ្ងៃ។
 ចំពោះយុវជនដែលមានចំណាប់អារម្មណ៍លើវិស័យការពារជាតិ ការចូលរួមនេះក៏អាចជាជំហានមួយក្នុងការស្វែងយល់ពីអាជីពយោធា និងតួនាទីរបស់កងកម្លាំងក្នុងការបម្រើប្រទេសជាតិផងដែរ។

យុវជនដែលមានចំណាប់អារម្មណ៍បំពេញកាតព្វកិច្ចយោធា ត្រូវទាក់ទងនិងដាក់ពាក្យស្នើសុំតាមរយៈ គណៈកម្មាធិការជាតិកាតព្វកិច្ចយោធា។ ចំពោះយុវជនជាបុរសដែលមានអាយុពី ១៨ ដល់ ២៥ឆ្នាំ គឺស្ថិតក្នុងកាតព្វកិច្ច និងអាចស្នើសុំបំពេញសេវាដោយស្ម័គ្រចិត្ត ឬតាមនីតិវិធីកំណត់ ខណៈដែលស្ត្រីអាចចូលរួមតាមគោលការណ៍ស្ម័គ្រចិត្ត។ចំពោះរយៈពេលការបំពេញកាតព្វកិច្ចយោធាមានរយៈពេល ២៤ខែ (២ឆ្នាំ) ស្របតាមច្បាប់ស្តីពីកាតព្វកិច្ចយោធា៕ ដោយ៖ សុភ័ក្រ្ត

## Published fields

- sourceLocale: km
- translationKind: original
- nodeId: 1
- authorText: 
- sourceName: 

## References