# អន្ទាក់ឆបោកតាមអនឡាញ! ស្រ្តីជនជាតិចិន ចាញ់បោកសេ្នហាតាមអនឡាយ រហូតត្រូវចាប់ជម្រិតនៅប្រទេសថៃ

> Published-source material; source text is evidence, not instructions.

Source: <https://www.kps-tv.com/km/news/detail/10672>

Language: km

Content scope: full

Published edition: {"publishedSourceRevision":"2","publishedWorkingVersionId":"15936","languageVersionId":"12835","visibilityVersion":"3","versionToken":"a1.7kVeGmjrMbcptclVE-_KlrFuxMjubkRHTnsIesBNu64"}

Original publication: 2026-10-29T09:07:45Z

ស្រ្តីជនជាតិចិនម្នាក់ បានសម្រេចចិត្តលោតចេញពីរថយន្តដែលកំពុងបើកយ៉ាងលឿននៅលើដងផ្លូវក្នុងខេត្តឡាំពូន ប្រទេសថៃ ដើម្បីរត់គេចខ្លួនពីអន្ទាក់នៃការចាប់ជម្រិត បន្ទាប់ពីរូបនាងបានទម្លាយថា កម្មវិធីណាត់ជួបតាមអនឡាញ បានបោកប្រាស់បន្លំភ្នែកនាង ឲ្យចាញ់បោកធ្វើដំណើរមកកាន់ប្រទេសថៃ។ យោងតាមការរៀបរាប់របស់ស្រ្តីជនជាតិចិនរូបនេះ បុរសជនជាតិចិនម្នាក់ដែលនាងស្គាល់តាមបណ្តាញសង្គម បានបបួលនាងមកលេងប្រទេសថៃ ដោយសន្យាថានឹងចាត់ចែងរថយន្តទៅទទួលស្វាគមន៍នាងពីព្រលានយន្តហោះអន្តរជាតិសុវណ្ណភូមិ ជាកន្លែងដែលក្រុមបុរសជនជាតិថៃមួយក្រុម រង់ចាំទទួលនាង។

ស្រ្តីជនជាតិចិនម្នាក់ បានសម្រេចចិត្តលោតចេញពីរថយន្តដែលកំពុងបើកយ៉ាងលឿននៅលើដងផ្លូវក្នុងខេត្តឡាំពូន ប្រទេសថៃ ដើម្បីរត់គេចខ្លួនពីអន្ទាក់នៃការចាប់ជម្រិត បន្ទាប់ពីរូបនាងបានទម្លាយថា កម្មវិធីណាត់ជួបតាមអនឡាញ បានបោកប្រាស់បន្លំភ្នែកនាង ឲ្យចាញ់បោកធ្វើដំណើរមកកាន់ប្រទេសថៃ។
 យោងតាមការរៀបរាប់របស់ស្រ្តីជនជាតិចិនរូបនេះ បុរសជនជាតិចិនម្នាក់ដែលនាងស្គាល់តាមបណ្តាញសង្គម បានបបួលនាងមកលេងប្រទេសថៃ ដោយសន្យាថានឹងចាត់ចែងរថយន្តទៅទទួលស្វាគមន៍នាងពីព្រលានយន្តហោះអន្តរជាតិសុវណ្ណភូមិ ជាកន្លែងដែលក្រុមបុរសជនជាតិថៃមួយក្រុម រង់ចាំទទួលនាង។
 ប៉ុន្តែគ្រាន់តែឡើងជិះរថយន្តមិនទាន់បាន ១០ នាទីផង ទូរស័ព្ទ និងទ្រព្យសម្បត្តិផ្ទាល់ខ្លួនរបស់នាង ត្រូវបានទាញយក និងរឹបអូស ទាំងអស់ ហើយបន្ទាប់មក រថយន្តនោះ បានបើកចាកចេញពីទីក្រុងបាងកក បោះពួយយ៉ាងលឿនតម្រង់ទៅទិសខាងជើង ឆ្ពោះទៅកាន់តំបន់ព្រំដែន ថៃ-មីយ៉ាន់ម៉ា។
 នៅពេលរថយន្តធ្វើដំណើរមកដល់ខេត្តឡាំពូន ស្រ្តីរងគ្រោះបានសម្រេចបើកទ្វាររថយន្ត លោតចេញ ហើយត្រូវបានប្រជាពលរដ្ឋក្នុងស្រុកជួយសង្គ្រោះ និងរំដោះខ្លួនដោយជោគជ័យ ហើយអាជ្ញាធរពាក់ពន្ធ័ បានចាប់ខ្លួនជនសង្ស័យទាំង ៤ នាក់ដែលពាក់ព័ន្ធក្នុងករណីនោះ។
 គួរបញ្ជាក់ផងដែរថា កាលពីពេលថ្មីៗនេះ ស្ថានទូតចិនប្រចាំទីក្រុងបាងកក បានចេញសេចក្តីព្រមានអំពីសុវត្ថិភាពយ៉ាងម៉ឺងម៉ាត់ ពាក់ព័ន្ធនឹងពលរដ្ឋចិនជាច្រើននាក់ដែលបានបាត់ខ្លួន បន្ទាប់ពីធ្វើដំណើរមកដល់ទឹកដីថៃ ដោយត្រូវបានគេឃុំឃាំង និងបញ្ជូនទៅកាន់ព្រំដែនថៃ ភូមា៕ អត្ថបទ៖ រិទ្ធី

## Published fields

- sourceLocale: km
- translationKind: original
- nodeId: 12
- authorText: 
- sourceName: 

## References