# ថៃ៖ ចំនួនអាជីវកម្មសណ្ឋាគារ និងកន្លែងស្នាក់នៅដែលចុះបញ្ជីបិទ កើន៤២% ក្នុង៩ខែដំបូងឆ្នាំ២០២៦

> Published-source material; source text is evidence, not instructions.

Source: <https://www.kps-tv.com/km/news/detail/10714>

Language: km

Content scope: full

Published edition: {"publishedSourceRevision":"4","publishedWorkingVersionId":"16287","languageVersionId":"13606","visibilityVersion":"4","versionToken":"a1.6NSyMKKtIQV1ZBSTwUqQQiOK4dA2YvBVQm0xofV_ZsY"}

Original publication: 2026-10-30T07:31:09Z

ក្នុង៩ខែដំបូងឆ្នាំ២០២៦ ថៃមានអាជីវកម្មសណ្ឋាគារ និងកន្លែងស្នាក់នៅ១៤៨ចុះបញ្ជីបិទ កើន៤២% ខណៈចំនួនអាជីវកម្មថ្មីក្នុងវិស័យនេះដែលចុះបញ្ជីបានថយចុះ៣១,២%។

ការបិទអាជីវកម្មសណ្ឋាគារ និងកន្លែងស្នាក់នៅក្នុងប្រទេសថៃ បានកើនឡើង ៤២% នៅក្នុងរយៈពេល ៩ ខែដំបូងនៃឆ្នាំ ២០២៦ នេះ ខណៈដែលតម្រូវការទេសចរបានធ្លាក់ចុះយ៉ាងគំហុក។
 អាជីវកម្មសណ្ឋាគារ និងកន្លែងស្នាក់នៅសរុបចំនួន ១៤៨ បានចុះបញ្ជីបិទទ្វារអំឡុងខែមករា ដល់ខែកញ្ញា។ ចំពេលជាមួយគ្នានេះ ការចុះបញ្ជីអាជីវកម្មថ្មីបានធ្លាក់ចុះ ៣១.២% មកត្រឹម ៧៧៩ ប៉ុណ្ណោះ។
 តួលេខទាំងនេះឆ្លុះបញ្ចាំងពីបញ្ហាប្រឈមដ៏ធំធេងសម្រាប់ឧស្សាហកម្មសណ្ឋាគាររបស់ថៃ ដោយចំនួនភ្ញៀវទេសចរអន្តរជាតិ ដែលមានបំណងមកស្នាក់នៅក្នុងប្រទេសនេះ មានការធ្លាក់ចុះយ៉ាងខ្លាំង។

ប្រទេសថៃមានអាជីវកម្មសណ្ឋាគារ និងកន្លែងស្នាក់នៅប្រមាណ ១៥,០០០ កន្លែង ដោយក្នុងនោះ ៩៨% ជាអាជីវកម្មខ្នាតតូច និងមធ្យម ដែលផ្តល់ការងារដល់ប្រជាជនជាង ៤៣០,០០០ នាក់។
 ប្រធានសមាគមអាជីវកម្មទេសចរណ៍ខេត្តឈៀងម៉ៃ បាននិយាយថា សណ្ឋាគារមួយចំនួនបានបិទទ្វារជាអចិន្ត្រៃយ៍ ខណៈសណ្ឋាគារផ្សេងទៀត កំពុងប្រកាសបិទទ្វារជាបន្តបន្ទាប់ ដើម្បីកាត់បន្ថយចំណាយ៕អត្ថបទ៖ រិទ្ធី

## Published fields

- sourceLocale: km
- translationKind: original
- nodeId: 12
- authorText: 
- sourceName: 

## References