{"asset":"news","key":"10744","locale":"km","id":"news:10744:km","entityId":"news:10744","canonicalUrl":"https://www.kps-tv.com/km/news/detail/10744","state":"ready","title":"កូរ៉េខាងជើងប្រកាសថា ទណ្ឌកម្ម មិនអាចរាំងខ្ទប់ឋានៈជា «រដ្ឋអាវុធនុយក្លេអ៊ែរ» របស់ខ្លួនបានឡើយ","summary":"ទីភ្នាក់ងារព័ត៌មានរដ្ឋកូរ៉េខាងជើង (KCNA) បានរាយការណ៍នៅថ្ងៃទី ៣១ ខែតុលានេះថា ប្រទេសកូរ៉េខាងជើង បានប្រកាសថ្កោលទោសយ៉ាងខ្លាំងលើសេចក្តីថ្លែងការណ៍រួមរបស់ក្រុមប្រទេស ដែលដាក់ទណ្ឌកម្មលើកូរ៉េខាងជើង ដោយចាត់ទុកសកម្មភាពនេះ ថាជាការរំលោភបំពានយ៉ាងធ្ងន់ធ្ងរលើអធិបតេយ្យភាពរបស់ខ្លួន។ សេចក្តីថ្លែងការណ៍ដែលចេញផ្សាយក្នុងសប្តាហ៍នេះដោយក្រុមប្រទេសជាច្រើន រួមមាន សហរដ្ឋអាមេរិក អូស្ត្រាលី ចក្រភពអង់គ្លេស និងកូរ៉េខាងត្បូង បានអំពាវនាវឲ្យបណ្តារដ្ឋសមាជិកអង្គការសហប្រជាជាតិទាំងអស់ អនុវត្តឱ្យបានពេញលេញនូវសេចក្តីសម្រេច ស្តីពីទណ្ឌកម្មរបស់អង្គការសហប្រជាជាតិ ដែលហាមឃាត់ការប្រើប្រាស់ពលករកូរ៉េខាងជើង និងកិច្ចសហប្រតិបត្តិការយោធាជាមួយប្រទេសនេះ។","body":"ទីភ្នាក់ងារព័ត៌មានរដ្ឋកូរ៉េខាងជើង (KCNA) បានរាយការណ៍នៅថ្ងៃទី ៣១ ខែតុលានេះថា ប្រទេសកូរ៉េខាងជើង បានប្រកាសថ្កោលទោសយ៉ាងខ្លាំងលើសេចក្តីថ្លែងការណ៍រួមរបស់ក្រុមប្រទេស ដែលដាក់ទណ្ឌកម្មលើកូរ៉េខាងជើង ដោយចាត់ទុកសកម្មភាពនេះ ថាជាការរំលោភបំពានយ៉ាងធ្ងន់ធ្ងរលើអធិបតេយ្យភាពរបស់ខ្លួន។\n សេចក្តីថ្លែងការណ៍ដែលចេញផ្សាយក្នុងសប្តាហ៍នេះដោយក្រុមប្រទេសជាច្រើន រួមមាន សហរដ្ឋអាមេរិក អូស្ត្រាលី ចក្រភពអង់គ្លេស និងកូរ៉េខាងត្បូង បានអំពាវនាវឲ្យបណ្តារដ្ឋសមាជិកអង្គការសហប្រជាជាតិទាំងអស់ អនុវត្តឱ្យបានពេញលេញនូវសេចក្តីសម្រេច ស្តីពីទណ្ឌកម្មរបស់អង្គការសហប្រជាជាតិ ដែលហាមឃាត់ការប្រើប្រាស់ពលករកូរ៉េខាងជើង និងកិច្ចសហប្រតិបត្តិការយោធាជាមួយប្រទេសនេះ។\n\nទីភ្នាក់ងារព័ត៌មានរដ្ឋកូរ៉េខាងជើង បានដកស្រង់សម្តីរបស់អ្នកនាំពាក្យក្រសួងការបរទេសកូរ៉េខាងជើងមួយរូបថា វិធានការទណ្ឌកម្ម និងការដាក់សម្ពាធ អាចមានប្រសិទ្ធភាពចំពោះតែប្រទេសទន់ខ្សោយប៉ុណ្ណោះ ប៉ុន្តែវាមិនអាចបំបាក់ស្មារតីកូរ៉េខាងជើងបានជាដាច់ខាត ហើយល្បិចកលច្រំដែលៗនៃការដាក់ទណ្ឌកម្មរបស់សហរដ្ឋអាមេរិក និងលោកខាងលិច មិនអាចកែប្រែ ឬប៉ះពាល់ដល់ឋានៈរបស់សាធារណរដ្ឋប្រជាមានិតប្រជាធិបតេយ្យកូរ៉េ ក្នុងនាមជា រដ្ឋអាវុធនុយក្លេអ៊ែរ នោះឡើយ៕ អត្ថបទ៖ រិទ្ធី","contentScope":"full","proof":{"publishedSourceRevision":"2","publishedWorkingVersionId":"16310","languageVersionId":"13558","visibilityVersion":"3","versionToken":"a1.1msZb-UdZoMhKo4ZeA1_cWtP62cb27DcY0_JSNs2YA8"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":""},"references":[],"links":[],"publishedAt":"2026-10-31T02:31:47Z"}