{"asset":"news","key":"2749","locale":"km","id":"news:2749:km","entityId":"news:2749","canonicalUrl":"https://www.kps-tv.com/km/news/detail/2749","state":"ready","title":"ឧបនាយករដ្ឋមន្ត្រីក្រសួងមុខងារសាធារណៈ ជំរុញដល់អាជ្ញាធរ និងមន្ទីរអប់រំខេត្តកំពង់ស្ពឺយកចិត្តទុកដាក់គៀងគរកុមារគ្រប់អាយុឱ្យចូលរៀនគ្រប់ៗគ្នា","summary":"ឯកឧត្តមឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានលើកឡើងថាកុមារដែលគ្រប់អាយុចូលរៀនត្រូវតែបញ្ជូនឱ្យចូលសាលា ដើម្បីទទួលបានការអប់រំ។ ដូច្នេះអាជ្ញាធរ ក្រុង ស្រុក ខេត្ត និងមន្ទីរជំនាញត្រូវគៀងគរកុមារគ្រប់អាយុទាំងអស់ ពិសេសត្រូវសម្របសម្រួលគ្រប់នីតិវីធីដើម្បីធ្វើយ៉ាងណាឱ្យកូនៗបងប្អូនពលករដែលទើបវិលត្រឡប់ពីប្រទេសជិតខាងបានចូលរៀនបានគ្រប់គ្នា។","body":"ឯកឧត្តមឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ បានលើកឡើងថាកុមារដែលគ្រប់អាយុចូលរៀនត្រូវតែបញ្ជូនឱ្យចូលសាលា ដើម្បីទទួលបានការអប់រំ។ ដូច្នេះអាជ្ញាធរ ក្រុង ស្រុក ខេត្ត និងមន្ទីរជំនាញត្រូវគៀងគរកុមារគ្រប់អាយុទាំងអស់ ពិសេសត្រូវសម្របសម្រួលគ្រប់នីតិវីធីដើម្បីធ្វើយ៉ាងណាឱ្យកូនៗបងប្អូនពលករដែលទើបវិលត្រឡប់ពីប្រទេសជិតខាងបានចូលរៀនបានគ្រប់គ្នា។\nឯកឧត្តមឧបនាយករដ្ឋមន្ត្រី ហ៊ុន ម៉ានី បានលើកឡើងដូចនេះ នៅក្នុងពិធីសំណេះសំណាល និងបំពាក់មេដាយការងារជូនលោកគ្រូ អ្នកគ្រូចំនួន១៣១៤នាក់ ក្នុងក្រមខណ្ឌមន្ទីរអប់រំ យុវជន និងកីឡាខេត្តកំពង់ស្ពឺ កាលពីថ្ងៃទី២៣ ខែតុលា ឆ្នាំ២០២៥។\nឯកឧត្តមឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ ប្រធានក្រុមការងាររាជរដ្ឋាភិបាលចុះពង្រឹងខេត្តកំពង់ស្ពឺ បានធ្វើការណែនាំទៅអាជ្ញាធរក្រុងស្រុក និងខេត្ត ពិសេសមន្ទីរអប់រំយុវជន និងកីឡា បង្កើនការផ្សព្វផ្សាយឱ្យបានទូលំទូលាយទៅដល់មូលដ្ឋាន និងសហគមន៍ ដើម្បីគៀងគកុមារដែលគ្រប់អាយុបានចូលរៀនគ្រប់គ្នាផងដែរ។\nឯកឧត្តមឧបនាយករដ្ឋមន្ត្រី ហ៊ុន ម៉ានី បានលើកឡើងថា កុមារដែលគ្រប់អាយុចូលរៀនត្រូវតែបញ្ជូនឱ្យចូលសាលា ដើម្បីទទួលបានការអប់រំ។\nឯកឧត្តមបានបញ្ជាក់ថា គ្រូបង្រៀនគឺជាបេះដូងនៃការអប់រំ ជាអ្នកធានាឱ្យបាននូវគុណភាពអប់រំ និងជាអ្នកតម្រង់ទិសកុមារ និងយុវជនកម្ពុជា ឱ្យក្លាយជាពលរដ្ឋពេញលេញ មានសមត្ថភាពគ្រប់គ្រាន់ ដើម្បីចូលរួមយ៉ាងសកម្មក្នុងការអភិវឌ្ឍប្រទេស ស្របតាមយុទ្ធសាស្ត្រចតុកោណ និងយុទ្ធសាស្ត្របញ្ចកោណដំណាក់កាលទី១របស់រាជរដ្ឋាភិបាលកម្ពុជា។\nក្រសួងអប់រំយុវជន និងកីឡា ចាប់ពីឆ្នាំ២០១៤មក បានកំណត់យកកំណែទម្រង់សាលាគរុកោសល្យជាអាទិភាព ធ្វើឱ្យប្រសិទ្ធភាពនៃការបង្រៀននិងរៀនទទួលបានលទ្ធផលល្អ សិស្សមានគុណភាពធ្វើឱ្យការប្រឡងនៅគ្រប់កម្រិតមានការកើនឡើង ពិសេសការប្រឡងសញ្ញាបត្រទុតិយភូមិសិស្សជាប់និទ្ទេសAឲ្យបានច្រើននាក់ពី១ឆ្នាំ១ឆ្នាំ។\nឯកឧត្តមឧបនាយករដ្ឋមន្ត្រីបន្ថែមថា វាគឺការលះបង់ដ៏ធំធេង និងមិនអាចកាត់ថ្លៃបានរបស់លោកគ្រូ អ្នកគ្រូក្នុងការបង្រៀន ដែលធ្វើឱ្យលទ្ធផលនៃការសិក្សារបស់សិស្សកាន់តែប្រសើរឡើង ជាពិសេសនៅកម្រិតមូលដ្ឋាន ដែលអាចឱ្យពួកគាត់មានមូលដ្ឋានចំណេះដឹងសម្រាប់បន្តការសិក្សាទៅភូមិសិក្សាបន្ទាប់ ឬចាប់យកជំនាញវិជ្ជាជីវៈក្រោយបញ្ចប់ការសិក្សាប្រកបដោយគុណភាព៕\nស្ថានីយទូរទស្សន៍ខេត្តព្រះសីហនុ ដោយ ៖ ប៉ៃ សុឃីម","contentScope":"full","proof":{"publishedSourceRevision":"1","publishedWorkingVersionId":"16979","languageVersionId":"14866","visibilityVersion":"2","versionToken":"a1.KCAkSplPRKKLdYENsGluf9WjBMd95cBepEyhbq0X7mI"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2025-10-24T07:22:07Z"}