{"asset":"news","key":"3104","locale":"km","id":"news:3104:km","entityId":"news:3104","canonicalUrl":"https://www.kps-tv.com/km/news/detail/3104","state":"ready","title":"ឧបនាយករដ្ឋមន្ត្រី ទៀ សីហា អញ្ជើញជាអធិបតីក្នុងពិធីរំលឹកខួបបញ្ចប់សង្គ្រាមលោកលើកទី១ នៅស្ថានទូតបារាំង","summary":"ឧបនាយករដ្ឋមន្ត្រី និងរដ្ឋមន្ត្រីការពារជាតិ ទៀ សីហា អញ្ជើញជាអធិបតីពិធីរំលឹកយុទ្ធជនសង្គ្រាមលោកលើកទី១ នៅភ្នំពេញ ថ្ងៃទី១១ វិច្ឆិកា ឆ្នាំ២០២៥ ដោយស្ថានទូតបារាំងរៀបចំ ដើម្បីគោរពការលះបង់ និងមិត្តភាពកម្ពុជា–បារាំង។","body":"នៅថ្ងៃទី១១ ខែវិច្ឆិកា ឆ្នាំ២០២៥ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ បានអញ្ជើញជាអធិបតី ក្នុងពិធីរំលឹកវិញ្ញាណក្ខន្ធដល់យុទ្ធជនដែលបានបោះបង់ជីវិត ក្នុងសម័យសង្គ្រាមលោកលើកទី១ ដែលរៀបចំដោយស្ថានទូតបារាំង នៅទីក្រុងភ្នំពេញ។\nនេះជាឆ្នាំទី៣ជាប់គ្នា ដែលស្ថានទូតបារាំងបានរៀបចំពិធីនេះ ដើម្បីគោរពចំពោះការបញ្ចប់សង្គ្រាមលោកលើកទី១ នៅមុខវិមាន«រូបពីរ» ដែលជានិមិត្តសញ្ញាបង្ហាញពីមិត្តភាព និងប្រវត្តិសាស្ត្ររួមរបស់ប្រទេសបារាំង និងកម្ពុជា។ វិមាននេះត្រូវបានសង់ឡើងពីដើមនៅឆ្នាំ១៩២៥ ប៉ុន្តែត្រូវបានបំផ្លាញដោយខ្មែរក្រហម។ ប៉ុន្តែបន្ទាប់មក រាជរដ្ឋាភិបាលកម្ពុជា បានសង់ឡើងវិញ និងដាក់សម្ពោធជាផ្លូវការ កាលពីថ្ងៃទី១៤ ខែកក្កដា ឆ្នាំ២០២៣។\nពិធីរំលឹកនោះ គឺជាឱកាសសំខាន់មួយសម្រាប់រំលឹកដល់ការលះបង់ដ៏វីរវៈរបស់យុទ្ធជន និងបញ្ជាក់ពីមិត្តភាពដ៏រឹងមាំរវាងប្រទេសទាំងពីរ ដែលបានបន្តជាប់ទាក់ទងគ្នាតាមរយៈសន្តិភាព និងការសហប្រតិបត្តិការផ្នែកយោធា និងវប្បធម៌។\nដោយ៖ ទូរទស្សន៍ខេត្តព្រះសីហនុ","contentScope":"full","proof":{"publishedSourceRevision":"1","publishedWorkingVersionId":"16986","languageVersionId":"14887","visibilityVersion":"2","versionToken":"a1.ELqD0BBOdfhRUh1pMlyiCF00ftlc-IugbdfPH01VoZQ"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2025-11-11T06:51:14Z"}