# សម្ដេចធិបតី ហ៊ុន ម៉ាណែត បង្ហាញមោទនភាពចំពោះមហាសាមគ្គីជាតិ និងអំពាវនាវបន្តគាំទ្រកងទ័ពនិងនគរបាល

> Published-source material; source text is evidence, not instructions.

Source: <https://www.kps-tv.com/km/news/detail/3693>

Language: km

Content scope: full

Published edition: {"publishedSourceRevision":"1","publishedWorkingVersionId":"17196","languageVersionId":"15308","visibilityVersion":"2","versionToken":"a1.kB-f-zuFceaYg4hEr7vzPXUNUH4_1D3E76rED9p8ylE"}

Original publication: 2025-12-14T06:25:27Z

សម្ដេចធិបតី ហ៊ុន ម៉ាណែត ផ្ញើសារព្រឹកថ្ងៃទី១៤ ខែធ្នូ បង្ហាញមោទនភាពចំពោះសាមគ្គីភាពរបស់ព្រះមហាក្សត្រ មន្ត្រី និងខ្មែរគ្រប់និន្នាការ និងសាសនា ទាំងក្នុងនិងក្រៅប្រទេស។ សម្ដេចអំពាវនាវឱ្យបន្តគាំទ្រនិងលើកទឹកចិត្តកងទ័ព នគរបាល ហើយថារដ្ឋាភិបាលនៅជាមួយប្រជាជននិងកម្លាំងទាំងនេះគ្រប់ពេល។

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នៅព្រឹកថ្ងៃទី១៤ ខែធ្នូនេះ បានផ្ញើសារជូនជនរួមជាតិទាំងអស់ដោយ បង្ហាញនូវមោទនភាព ដែលបានឃើញនូវកម្លាំងដ៏រឹងមាំនៃមហាសាមគ្គីជាតិខ្មែរក្នុងកាលៈទេសៈដែលប្រទេសជាតិយើងកំពុងជួបប្រទះនឹងការលំបាកដោយសារការឈ្លានពានពីប្រទេសជិតខាង។
សម្ដេចធិបតីបានថ្លែងថាខ្ញុំមានមោទនភាព ដែលបានឃើញនូវកម្លាំងដ៏រឹងមាំនៃមហាសាមគ្គីជាតិខ្មែរក្នុងកាលៈទេសៈដែលប្រទេសជាតិយើងកំពុងជួបប្រទះនឹងការលំបាកដោយសារការឈ្លានពានពីប្រទេសជិតខាង។ ព្រះមហាក្សត្រ ថ្នាក់ដឹកនាំ មន្ត្រីរាជការគ្រប់ជាន់ថ្នាក់ ប្រជាពលរដ្ឋខ្មែរគ្រប់និន្នាការ សាសនា ទាំងក្នុងនិងក្រៅប្រទេស បានបង្ហាញនូវស្មារតីសាមគ្គីជាតិជាធ្លុងមួយ នៅពីក្រោយវីរកងទ័ព វីរនគរបាលជាតិគ្រប់រូបដែលកំពុងឈរជើងបំពេញបេសកកម្មយ៉ាងអង់អាចក្លាហាន ក្នុងការពារដែលអធិបតេយ្យភាពនិងបូរណភាពទឹកដីរបស់កម្ពុជា។
សម្ដេចថ្លែងថាសូមឱ្យកម្លាំងមហាសាមគ្គីជាតិខ្មែរនៅបន្តជាថាមពលរឹងមាំ សម្រាប់គាំទ្រ និងផ្ដល់កម្លាំងចិត្តដល់វីរកងទ័ព វីរនគរបាលជាតិរបស់យើង បន្តបេសកកម្មក្នុងការការពារទឹកដី។
សម្ដេចនាយករដ្ឋមន្រ្ដីបានបញ្ជាក់ថា រាជរដ្ឋាភិបាលស្ថិតនៅជាមួយបងប្អូនប្រជាពលរដ្ឋ ក៏ដូចជាវីរកងទ័ព វីរនគរបាលជាតិរបស់យើងគ្រប់ពេលវេលា៕
ទូរទស្សន៍ខេត្តព្រះសីហនុ ដោយ៖ វិឆាត

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References