{"asset":"news","key":"5753","locale":"km","id":"news:5753:km","entityId":"news:5753","canonicalUrl":"https://www.kps-tv.com/km/news/detail/5753","state":"ready","title":"លោកជំទាវលឹម សាមានថារាល់តម្លៃសេវាបានបិទជាសាធារណៈនៅតាមមន្ទីរពេទ្យនិងមណ្ឌលសុខភាពដើម្បីការពារការទូទាត់ក្រៅផ្លូវការ","summary":"លោកស្រី លឹម សាមាន បានលើកពីការបិទផ្សាយតម្លៃសេវានិងប្រព័ន្ធគ្រប់គ្រងឌីជីថល PMRS ក្នុងសន្និបាតសុខាភិបាលថ្ងៃទី២៦ ខែមីនា។","body":"ប្រធានមន្ទីរសុខាភិបាលខេត្តព្រះសីហនុ លោកជំទាវឱសថការី លឹម សាមាន លើកឡើងថា ដើម្បីធានាបាននូវតម្លាភាព និងអភិបាលកិច្ចល្អ រាល់តម្លៃសេវាត្រូវបានបិទផ្សាយជាសាធារណៈនៅតាមមន្ទីរពេទ្យ និងមណ្ឌលសុខភាព ដើម្បីការពារការទូទាត់ក្រៅផ្លូវការ។\nក្នុងពិធីបិទសន្និបាតបូកសរុបលទ្ធផលការងារសុខាភិបាលខេត្តព្រះសីហនុឆ្នាំ២០២៥ និងលើកទិសដៅការងារឆ្នាំ២០២៦ កាលពីថ្ងៃទី២៦ ខែមីនា លោកជំទាវឱសថការី បានបញ្ជាក់ថា មន្ទីរសុខាភិបាល ក៏បានដាក់ឱ្យប្រើប្រាស់ប្រព័ន្ធគ្រប់គ្រងឌីជីថល (PMRS) ដើម្បីតាមដានរាល់ចំណូល-ចំណាយ និងការប្រើប្រាស់សេវាឱ្យមានសុពលភាព និងរហ័សផងដែរ។\nលោកជំទាវប្រធានមន្ទីរសុខាភិបាលខេត្តព្រះសីហនុ ពន្យល់ថា ការពង្រឹងគុណភាពសេវានៅតាមមូលដ្ឋានផ្ទាល់ បានដើរតួជា «ខែលការពារប្រាក់ហោរប៉ៅ» របស់ប្រជាពលរដ្ឋយ៉ាងសកម្ម។ លោកជំទាវ បន្ថែមថា សមិទ្ធផលនេះ មិនត្រឹមតែជួយកាត់បន្ថយបន្ទុកចំណាយ និងការធ្វើដំណើររបស់ប្រជាពលរដ្ឋប៉ុណ្ណោះទេ ប៉ុន្តែថែមទាំងជាការចូលរួមចំណែកយ៉ាងសំខាន់ក្នុងការកាត់បន្ថយភាពក្រីក្រ និងលើកកម្ពស់សុខុមាលភាពប្រជាពលរដ្ឋក្នុងខេត្តព្រះសីហនុ ស្របតាមយុទ្ធសាស្រ្តគាំពារសង្គមរបស់រាជរដ្ឋាភិបាល៕\nអត្ថបទ៖ ង៉ែត ពិសាន្ត","contentScope":"full","proof":{"publishedSourceRevision":"1","publishedWorkingVersionId":"14355","languageVersionId":"9131","visibilityVersion":"2","versionToken":"a1.osqSSzyqrn0Q_iBQZdtCHjmZVaNLih8Mk5pY3DoqQq8"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-03-28T03:34:46Z"}