# អភិបាលខេត្តព្រះសីហនុ ដាក់បទបញ្ជាស្ដារប្រព័ន្ធលូ និងប្រឡាយទឹកជាបន្ទាន់ ដោះស្រាយបញ្ហាជំនន់ទឹកភ្លៀង

> Published-source material; source text is evidence, not instructions.

Source: <https://www.kps-tv.com/km/news/detail/8091>

Language: km

Content scope: full

Published edition: {"publishedSourceRevision":"1","publishedWorkingVersionId":"12551","languageVersionId":"4837","visibilityVersion":"2","versionToken":"a1.E7xMUakhuowB8gTTxiWXJmzYCwbmZXYSRz94nq_HKzM"}

Original publication: 2026-07-30T08:36:35Z

នៅព្រឹកថ្ងៃទី៣០ ខែកក្កដា ឆ្នាំ២០២៦ ឯកឧត្តម ម៉ាង ស៊ីណេត អភិបាលខេត្តព្រះសីហនុ បានដឹកនាំមន្ត្រីជំនាញរួមមាន មន្ទីរធនធានទឹក និងឧតុនិយម មន្ទីរសាធារណការ និងដឹកជញ្ជូនខេត្ត មន្ទីររៀបចំដែនដី នគរូបនីយកម្ម និងសំណង់ ព្រមទាំងអង្គភាពពាក់ព័ន្ធ ចុះពិនិត្យស្ថានភាពប្រព័ន្ធលូ ប្រឡាយ និងអូរ នៅតាមទីតាំងមួយចំនួន ដែលជាចំណុចបង្កការកកស្ទះដល់លំហូរទឹក។ ការចុះពិនិត្យនេះ ធ្វើឡើងបន្ទាប់ពីមានភ្លៀងធ្លាក់ខ្លាំងជាបន្តបន្ទាប់ក្នុងរយៈពេលប៉ុន្មានថ្ងៃកន្លងមក ដែលបណ្តាលឱ្យមានការលិចលង់នៅតំបន់មួយចំនួន និងបង្កផលប៉ះពាល់ដល់ការរស់នៅរបស់ប្រជាពលរដ្ឋ។

នៅព្រឹកថ្ងៃទី៣០ ខែកក្កដា ឆ្នាំ២០២៦ ឯកឧត្តម ម៉ាង ស៊ីណេត អភិបាលខេត្តព្រះសីហនុ បានដឹកនាំមន្ត្រីជំនាញរួមមាន មន្ទីរធនធានទឹក និងឧតុនិយម មន្ទីរសាធារណការ និងដឹកជញ្ជូនខេត្ត មន្ទីររៀបចំដែនដី នគរូបនីយកម្ម និងសំណង់ ព្រមទាំងអង្គភាពពាក់ព័ន្ធ ចុះពិនិត្យស្ថានភាពប្រព័ន្ធលូ ប្រឡាយ និងអូរ នៅតាមទីតាំងមួយចំនួន ដែលជាចំណុចបង្កការកកស្ទះដល់លំហូរទឹក។

ការចុះពិនិត្យនេះ ធ្វើឡើងបន្ទាប់ពីមានភ្លៀងធ្លាក់ខ្លាំងជាបន្តបន្ទាប់ក្នុងរយៈពេលប៉ុន្មានថ្ងៃកន្លងមក ដែលបណ្តាលឱ្យមានការលិចលង់នៅតំបន់មួយចំនួន និងបង្កផលប៉ះពាល់ដល់ការរស់នៅរបស់ប្រជាពលរដ្ឋ។
ក្នុងឱកាសនោះ ឯកឧត្តមអភិបាលខេត្ត បានដាក់បទបញ្ជាឱ្យមន្ត្រីជំនាញអនុវត្តវិធានការជាបន្ទាន់ ដោយស្ដារ និងកែលម្អប្រព័ន្ធលូ ប្រឡាយ និងផ្លូវទឹកឱ្យអាចដំណើរការឡើងវិញបានល្អ ដើម្បីធានាលំហូរទឹកមានប្រសិទ្ធភាព កាត់បន្ថយការកកស្ទះ និងទប់ស្កាត់ការជន់លិចនៅពេលមានភ្លៀងធ្លាក់ខ្លាំង។

វិធានការនេះ មានគោលបំណងការពារការខូចខាតទ្រព្យសម្បត្តិរបស់ប្រជាពលរដ្ឋ និងកាត់បន្ថយផលប៉ះពាល់ដល់ហេដ្ឋារចនាសម្ព័ន្ធសាធារណៈក្នុងខេត្ត។
ជាក់ស្តែង នៅព្រឹកថ្ងៃដដែល ឯកឧត្តមអភិបាលខេត្តបានណែនាំឱ្យមន្ត្រីជំនាញប្រើប្រាស់គ្រឿងចក្រ និងកម្លាំងការងារ ដើម្បីពន្លឿនការស្ដារ និងបើកលំហូរទឹកនៅតំបន់អាទិភាពឱ្យបានឆាប់រហ័ស ជាពិសេសនៅតាមបណ្តោយផ្លូវឯករាជ្យ និងផ្លូវ២៨ មិថុនា ស្ថិតក្នុងសង្កាត់លេខ៣ ក្រុងព្រះសីហនុ៕

រូបភាពនិងអត្ថបទ
ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References