សារព័ត៌មានកម្ពុជារាយការណ៍ថ្ងៃទី២៥ តុលា ថា រដ្ឋមន្ត្រីទេសចរណ៍ លោក ហួត ហាក់ បានស្វាគមន៍និងគាំទ្រសំណើក្រុមហ៊ុនស្ពាននិងថ្នល់ចិន CRBC អភិវឌ្ឍតំបន់ទេសចរណ៍តាមបណ្ដោយព្រែកជីកហ្វូណនតេជោ។ គម្រោងមានបំណងប្រើប្រាស់សក្ដានុពលធនធានធម្មជាតិនិងវប្បធម៌តាមផ្លូវព្រែកជីក ដើម្បីជំរុញសេដ្ឋកិច្ចទេសចរណ៍តំបន់។
អត្ថបទថា តំណាង CRBC ប្រចាំកម្ពុជា 王焕 ថ្មីៗនេះបានជួបរដ្ឋមន្ត្រី ដើម្បីពិភាក្សាសក្ដានុពលទេសចរណ៍និងទិសដៅសហប្រតិបត្តិការតាមព្រែកជីក។ រដ្ឋមន្ត្រីសរសើរសមិទ្ធផលហេដ្ឋារចនាសម្ព័ន្ធរបស់ក្រុមហ៊ុនចិននៅកម្ពុជា និងថ្លែងអំណរគុណចំពោះការរួមចំណែកក្នុងការអភិវឌ្ឍសេដ្ឋកិច្ចសង្គម ជាពិសេសការស្ដារទេសចរណ៍ឡើងវិញ។
រដ្ឋមន្ត្រីថា ក្រសួងទេសចរណ៍នឹងគាំទ្រគម្រោងសហប្រតិបត្តិការនេះពេញលេញ និងជំរុញគោលនយោបាយអនុគ្រោះដើម្បីទាក់ទាញវិនិយោគិនបន្ថែម ចូលរួមអភិវឌ្ឍទេសចរណ៍តាមព្រែកជីក ជំរុញសេដ្ឋកិច្ចខេត្តពាក់ព័ន្ធ កែលម្អជីវភាព និងរួមចំណែកកាត់បន្ថយភាពក្រីក្រ។
ស្ថានីយទូរទស្សន៍យើងខ្ញុំចងក្រងផ្សាយ។
