ប្រធានាធិបតីអាម៉េរិក លោក ដូណាល់ ត្រាំ បានសរសេរលើបណ្ដាញសង្គមនាព្រឹកថ្ងៃទី២៦ តុលា ថា លោកកំពុងចេញដំណើរទៅម៉ាឡេស៊ី ហើយនឹងចុះហត្ថលេខាលើ «កិច្ចព្រមព្រៀងសន្តិភាពដ៏អស្ចារ្យ» ដើម្បីជួយឱ្យកម្ពុជានិងថៃឯកភាពគ្នាលើសន្តិភាព។ លោកថាមានមោទនភាពដែលបានសម្របសម្រួលទំនាក់ទំនងដោយផ្ទាល់ និងហៅថាជាពេលសំខាន់សម្រាប់សន្តិភាពតំបន់។
លោក ត្រាំ ថា ក្រោយមកដល់ម៉ាឡេស៊ី នឹងជួបនាយករដ្ឋមន្ត្រីកម្ពុជា សម្តេច ហ៊ុន ម៉ាណែត និងនាយករដ្ឋមន្ត្រីថៃភ្លាម ហើយចុះហត្ថលេខាក្រោមវត្តមានគណៈប្រតិភូទាំងពីរ។ អត្ថបទចាត់ទុកការចុះហត្ថលេខាដែលគ្រោងនេះថាអាចជារបកគំហើញការទូតធំមួយនៅអាស៊ីអាគ្នេយ៍ក្នុងរយៈពេលប៉ុន្មានឆ្នាំចុងក្រោយ។
លោក ត្រាំ ក៏ចូលរួមរំលែកទុក្ខយ៉ាងជ្រាលជ្រៅជាមួយប្រជាជនថៃចំពោះការយាងសោយទិវង្គតរបស់ព្រះមហាក្សត្រី ព្រះវររាជមាតាថៃ។ អត្ថបទដកស្រង់ថា លោកមានទុក្ខព្រួយជាមួយប្រជាជនថៃ និងបួងសួងសុំសន្តិភាព។
អត្ថបទថា មានការចាប់អារម្មណ៍ថា កិច្ចព្រមព្រៀងដែលគ្រោងចុះហត្ថលេខានេះអាចបើកទំព័រថ្មីសម្រាប់កិច្ចសហប្រតិបត្តិការព្រំដែន សេដ្ឋកិច្ច និងសន្តិសុខឬយ៉ាងណា។ ប្រសិនបើអនុវត្តបានជោគជ័យ វានឹងបង្ហាញតួនាទីសម្របសម្រួលវិជ្ជមានរបស់អាម៉េរិកនៅអាស៊ីអាគ្នេយ៍ជាថ្មី។
ស្ថានីយទូរទស្សន៍យើងខ្ញុំចងក្រងផ្សាយ។
