កម្ពុជា និងថៃចាប់ផ្តើមដកអាវុធធុនធ្ងន់មួយផ្នែកក្នុងដំណាក់កាលដំបូង

ក្រោមការសង្កេតរបស់ក្រុមអ្នកសង្កេតការណ៍អាស៊ាន កម្ពុជា និងថៃបានចាប់ផ្តើមជាផ្លូវការនូវដំណាក់កាលទី១នៃការដកអាវុធធុនធ្ងន់មួយផ្នែក នៅម៉ោង៩យប់ ថ្ងៃទី២៦ ខែតុលា ដែលជាជំហានសំខាន់ក្នុងដំណើរការកាត់បន្ថយអាវុធ និងសន្តិភាពរបស់ប្រទេសទាំងពីរ។

អ្នកនាំពាក្យក្រសួងការពារជាតិកម្ពុជា លោកជំទាវ Lieutenant General ម៉ាលី សុជាតា បាននិយាយថា នេះជាវិធានការជាក់ស្តែងអនុវត្តសេចក្តីប្រកាសរួមគូឡាឡាំពួ និងបង្ហាញការប្តេជ្ញារបស់ប្រទេសទាំងពីរចំពោះសន្តិភាព និងស្ថិរភាពតំបន់។

សេចក្តីប្រកាសរួមនេះចុះហត្ថលេខានៅទីក្រុងគូឡាឡាំពួ ប្រទេសម៉ាឡេស៊ី ថ្ងៃទី២៦ ខែតុលា ឆ្នាំ២០២៥ ដោយមានប្រធានាធិបតីអាម៉េរិក Donald Trump និងនាយករដ្ឋមន្ត្រីម៉ាឡេស៊ី Anwar Ibrahim ចូលរួមធ្វើជាសាក្សី។

លោកជំទាវ សុជាតា បានបញ្ជាក់ថា៖ «កម្ពុជាសង្ឃឹមដោយស្មោះថា វិធានការវិជ្ជមាននេះនឹងជួយជំរុញកិច្ចខិតខំរួមរបស់ប្រទេសទាំងពីរ ដើម្បីលើកកម្ពស់សន្តិភាព ស្ថិរភាព និងស្តារទំនាក់ទំនងឱ្យប្រក្រតីឆាប់បំផុត»។

លោកជំទាវបញ្ជាក់ឡើងវិញថា កម្ពុជានឹងប្រកាន់ខ្ជាប់ការអនុវត្តសេចក្តីប្រកាសរួមគូឡាឡាំពួឱ្យបានពេញលេញ និងបន្តសហការជិតស្និទ្ធជាមួយថៃ ដើម្បីផលប្រយោជន៍យូរអង្វែងរបស់ប្រទេសទាំងពីរ និងប្រជាជន។

ស្ថានីយយើងខ្ញុំសរុបសេចក្តីរាយការណ៍