ក្រសួងការពារជាតិកម្ពុជារាយការណ៍ពីការវាយប្រហារព្រំដែនដោយ F-16 និងអាវុធធុនធ្ងន់របស់ថៃ

នៅព្រឹកថ្ងៃទី១៤ ខែធ្នូ កងទ័ពថៃបានធ្វើប្រតិបត្តិការយោធាតាមព្រំដែនកម្ពុជា-ថៃ ដោយវាយប្រហារតាមអាកាស និងបាញ់ផ្លោងទៅលើទីតាំងមួយចំនួនក្នុងខេត្តបន្ទាយមានជ័យ និងឧត្តរមានជ័យ នេះបើតាមក្រសួងការពារជាតិកម្ពុជា។ ក្រសួងថា ប្រមាណម៉ោង១១ព្រឹក ថៃបានប្រើយន្តហោះចម្បាំង F-16 ដ្រូន និងកាំភ្លើងធំធុនធ្ងន់ ដើម្បីវាយប្រហាររួមគ្នាលើតំបន់ព្រំដែន។

ក្រសួងការពារជាតិកម្ពុជាក៏បានបញ្ជាក់ថា នៅម៉ោង៨និង១៥នាទីព្រឹកថ្ងៃនោះ កងទ័ពថៃបានទម្លាក់គ្រាប់បែកមួយនៅឃុំថ្មដា ស្រុកវាលវែង ខេត្តពោធិ៍សាត់ បង្កការភ័យខ្លាចដល់ពលរដ្ឋ និងធ្វើឱ្យការគំរាមកំហែងសុវត្ថិភាពកើនឡើង។

ភាគីកម្ពុជាថា កំពុងតាមដានស្ថានការណ៍យ៉ាងជិតស្និទ្ធ និងពង្រឹងវិធានការការពារព្រំដែន ដើម្បីការពារសុវត្ថិភាពជនស៊ីវិល និងអធិបតេយ្យភាពជាតិ។ ពលរដ្ឋក្នុងតំបន់ត្រូវបានណែនាំឱ្យប្រុងប្រយ័ត្ន និងជៀសវាងតំបន់ដែលអាចកើតជម្លោះ។

រាយការណ៍សរុបដោយស្ថានីយយើង

..

..