ក្នុងសេចក្ដីជូនដំណឹងដាក់ជូនសភាថ្មីៗនេះ រដ្ឋាភិបាលឥណ្ឌាថា ពលរដ្ឋឥណ្ឌាមួយចំនួនត្រូវឧក្រិដ្ឋជនប្រើការជ្រើសរើសការងារក្លែងបញ្ឆោតទៅប្រទេសអាស៊ីអាគ្នេយ៍ រួមមានកម្ពុជា មីយ៉ាន់ម៉ា និងឡាវ ហើយបង្ខំឱ្យពាក់ព័ន្ធការឆបោកអនឡាញនិងសកម្មភាពខុសច្បាប់ផ្សេងទៀត។
សេចក្ដីជូនដំណឹងថា ឥណ្ឌាសហការជាមួយរដ្ឋាភិបាលនិងអាជ្ញាធរអនុវត្តច្បាប់មូលដ្ឋានពាក់ព័ន្ធ ហើយបន្តការសង្គ្រោះ។ គិតត្រឹមពេលរាយការណ៍ បានជួយសង្គ្រោះពលរដ្ឋឥណ្ឌាសរុប៦៧២០នាក់ រួមមាននៅកម្ពុជា២២៦៥នាក់ ឡាវ២២៩០នាក់ និងមីយ៉ាន់ម៉ា២១៦៥នាក់។
ភាគីឥណ្ឌាក៏ថា ក្នុងឆ្នាំ២០២៤–២០២៥ បណ្ដឹង «ករណីជួបការលំបាក» របស់ពលរដ្ឋនៅក្រៅប្រទេសភាគច្រើននៅអារ៉ាប៊ីសាអ៊ូឌី អេមីរ៉ាតអារ៉ាប់រួម សហរដ្ឋអាម៉េរិក អូម៉ង់ កូវ៉ែត និងកាណាដា។ រដ្ឋាភិបាលថានឹងបន្តពង្រឹងកិច្ចសហប្រតិបត្តិការអន្តរជាតិប្រឆាំងឆបោកឆ្លងដែន និងផ្ដល់ការការពារនិងជំនួយកុងស៊ុលចាំបាច់ដល់ពលរដ្ឋក្រៅប្រទេស។
រាយការណ៍សរុបដោយស្ថានីយយើង
