កាលពីថ្ងៃទី០៧ ខែតុលា ឆ្នាំ២០២៦ នាយឧត្ដមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស បានអញ្ជើញជួបសំណេះសំណាល ព្រមទាំងប្រគល់ភារកិច្ចជា «មេបញ្ជាការស្ដីទី» នៃបញ្ជាការដ្ឋានកងរាជអាវុធហត្ថខេត្តពោធិ៍សាត់ ជូនលោកវរសេនីយ៍ឯក សុខ ម៉េងឡុង។
ការប្រគល់ភារកិច្ចដឹកនាំជាបណ្ដោះអាសន្ននេះ គឺដើម្បីជំនួសតំណែងលោកឧត្ដមសេនីយ៍ត្រី ពុទ្ធ លី ដែលត្រូវដល់អាយុចូលនិវត្តន៍។
គួរបញ្ជាក់ផងដែរថា មុនពេលទទួលបានការទុកចិត្តឱ្យកាន់តំណែងថ្មីនេះ លោកវរសេនីយ៍ឯក សុខ ម៉េងឡុង ធ្លាប់បានបំពេញមុខងារជាមេបញ្ជាការរងនៃបញ្ជាការដ្ឋានកងរាជអាវុធហត្ថខេត្តព្រះសីហនុ៕
ដោយ៖ ប៉ៃ សុឃីម
