ប្រជាពលរដ្ឋមកពីបណ្ដារាជធានី-ខេត្ត និងស្រុក-ក្រុងនានា បានសម្ដែងក្ដីរីករាយ និងថ្លែងអំណរគុណយ៉ាងខ្លាំង បន្ទាប់ពីអង្គការស្នាមញញឹមកម្ពុជា សហការជាមួយមន្ទីរសុខាភិបាលខេត្តព្រះសីហនុ បើកកម្មវិធីវះកាត់ដោយឥតគិតថ្លៃ សម្រាប់អ្នកជំងឺមាត់ឆែប ក្រអូមឆែប និងពិការភាពមុខមាត់ រយៈពេល៣ថ្ងៃ ចាប់ពីថ្ងៃទី១០ ដល់ថ្ងៃទី១២ ខែឧសភា ឆ្នាំ២០២៦ នៅមន្ទីរពេទ្យបង្អែកខេត្តព្រះសីហនុ។
ក្នុងឱកាសនាំកូនចៅមកពិនិត្យ និងទទួលការព្យាបាលវះកាត់នេះ អាណាព្យាបាលជាច្រើនបានបង្ហាញអារម្មណ៍សប្បាយរីករាយ និងមានក្ដីសង្ឃឹមឡើងវិញ ខណៈដែលក្រុមគ្រូពេទ្យបានជួយវះកាត់កែសម្ផស្សមុខមាត់កូនៗរបស់ពួកគាត់ ឱ្យមានភាពស្រស់ស្អាត និងប្រសើរឡើងវិញ៕
អត្ថបទ៖ ប៉ៃ សុឃីម
រូបភាព៖ កែវ ដារ៉ា
