បើតាមក្រសួងទេសចរណ៍ បានឱ្យដឹងថា ត្រៀមខ្លួនចូលរួម និងរីករាយកម្សាន្តក្នុងកម្មវិធី «ជជែកលើវិថីទេសចរណ៍រដូវកាលបៃតង ឆ្នាំ២០២៦» នៅសួនព្រះរាជដំណាក់ ខេត្តសៀមរាប ដែលនឹងរៀបចំរយៈពេល២ថ្ងៃពេញ ចាប់ពី ថ្ងៃទី២០ ដល់ថ្ងៃទី២១ ខែមិថុនា ឆ្នាំ២០២៦ នេះ ចាប់ពីម៉ោង ៦៖០០ ល្ងាចតទៅ។ លោកអ្នកអាចចូលរួមទស្សនាការសម្តែងនូវទស្សនីយភាពសិល្បៈប្រពៃណី សហសម័យ និងកម្មវិធីកម្សាន្តផ្សេងៗរួមជាមួយការដាក់ពិព័រណ៍ផលិតផលខ្មែរផ្សេងៗជាច្រើនក្នុងកម្មវិធីនេះ។
ទន្ទឹមនឹងការសម្តែងសិល្បៈ លោកអ្នកក៏អាចចូលរួមស្វែងយល់ពីសក្តានុពលទេសចរណ៍បេតិកភណ្ឌ និងវប្បធម៌ក្នុងរដូវកាលបៃតងតាមរយៈកិច្ចពិភាក្សាដោយមានវាគ្មិនកិត្តិយសល្បីៗជាច្រើនរូបចូលរួម៕
