ការចាប់ខ្លួនជនសង្ស័យ៖ កាលពីថ្ងៃទី១៤ ខែកក្កដា ឆ្នាំ២០២៦ កម្លាំងសមត្ថកិច្ចបានឃាត់ខ្លួនបុគ្គលម្នាក់ដែលបានក្លែងឯកសណ្ឋានកងទ័ព ដើម្បីចាត់វិធានការទៅតាមផ្លូវច្បាប់។
ការកំណត់ទោសទណ្ឌតាមច្បាប់ព្រហ្មទណ្ឌ៖ ការក្លែងបន្លំឯកសណ្ឋាន ឋានន្តរស័ក្តិ ឬការបន្លំខ្លួនជាមន្ត្រីសាធារណៈ គឺជាបទល្មើសព្រហ្មទណ្ឌដ៏ធ្ងន់ធ្ងរ៖
ទោសចំពោះការស្លៀកពាក់ឯកសណ្ឋានដោយគ្មានសិទ្ធិ៖ យោងតាមមាត្រា ៦១២ នៃក្រមព្រហ្មទណ្ឌ រាល់សកម្មភាពស្លៀកពាក់ជាសាធារណៈដោយគ្មានសិទ្ធិនូវសម្លៀកបំពាក់ ឯកសណ្ឋាន ឬគ្រឿងឥស្សរិយយសសម្រាប់អាជ្ញាធរ ត្រូវផ្ដន្ទាទោសជាប់ពន្ធនាគារពី ១ខែ ដល់ ១ឆ្នាំ និងពិន័យជាប្រាក់ពី ១សែនរៀល ដល់ ២លានរៀល។
ស្ថានទម្ងន់ទោសបន្ថែម៖ ប្រសិនបើជនល្មើសយកការក្លែងបន្លំនេះទៅប្រព្រឹត្តសកម្មភាពខុសច្បាប់ផ្សេងទៀត ដូចជា ការគំរាមកំហែង ការជំរិតទារប្រាក់ ឬការចាប់បង្ខាំងមនុស្សដោយខុសច្បាប់ នោះនឹងត្រូវប្រឈមមុខនឹងការផ្ដន្ទាទោសបន្ថែមធ្ងន់ធ្ងរជាច្រើនករណីទៀតទៅតាមច្បាប់ជាធរមាន៕ ដោយ៖ ប៉ៃ សុឃីម
