(បន្ទាយមានជ័យ)៖ ក្រសួងមហាផ្ទៃ បានសម្រេចផ្អាកការងារបណ្ដោះអាសន្ន លើលោកវរសេនីយ៍ទោ រ៉ែន សុភក្តិ អធិការរងក្រុងប៉ោយប៉ែត នៃស្នងការដ្ឋាននគរបាលខេត្តបន្ទាយមានជ័យ និងតម្រូវឱ្យបង្ហាញមុខរៀងរាល់ម៉ោងធ្វើការ នៅការិយាល័យបុគ្គល។
លោក ទូច សុឃៈ អ្នកនាំពាក្យរងក្រសួងមហាផ្ទៃ បានឱ្យដឹង នារសៀលថ្ងៃទី២ ខែកញ្ញា ឆ្នាំ២០២៦ថា ការសម្រេចផ្អាកការងារនេះ ពាក់ព័ន្ធនឹងករណីយករថយន្តដែលជាប់ពាក់ព័ន្ធនឹង Online Scams ទៅប្រើប្រាស់។
អ្នកនាំពាក្យរងក្រសួងមហាផ្ទៃ បានបន្តថា ការផ្អាកការងារនេះ គឺធ្វើឡើងជាបណ្ដោះអាសន្ន ខណៈស្ថាប័នពាក់ព័ន្ធកំពុងបន្តពិនិត្យ និងចាត់ចែងតាមនីតិវិធីច្បាប់៕ដោយ៖ ធី លីថូ
