អាល្លឺម៉ង់ស្នើឱ្យកម្ពុជា-ថៃបើកច្រកព្រំដែនឡើងវិញ
នៅថ្ងៃទី២៨ ខែតុលា ឆ្នាំ២០២៥ ក្រសួងការបរទេសអាល្លឺម៉ង់បានចាត់ទុកកិច្ចព្រមព្រៀងបទឈប់បាញ់កម្ពុជា–ថៃជាជំហានសំខាន់ឆ្ពោះទៅសន្តិភាព និងជំរុញឱ្យបន្តកិច្ចសន្ទនា និងបើកព្រំដែនពាណិជ្ជកម្មឡើងវិញ។
ខ្លឹមសារប្រភព
ក្រោយកិច្ចព្រមព្រៀងសន្តិភាព ទីក្រុងគូឡាឡាំពួ បានចុះហត្ថលេខារួចមក ការិយាល័យក្រសួងការបរទេសអាល្លឺម៉ង់ បានស្នើឱ្យប្រទេសកម្ពុជា-ថៃចាប់ផ្តើមបើកច្រកព្រំដែន និងបន្តទំនាក់ទំនងពាណិជ្ជកម្មឱ្យពេញលេញជាមួយគ្នាឡើងវិញ។ នៅថ្ងៃទី២៨ ខែតុលា ឆ្នាំ២០២៥ ក្រសួងការបរទេសអាល្លឺម៉ង់ បានប្រកាសថា កិច្ចព្រមព្រៀងបទឈប់បាញ់រវាងប្រទេសកម្ពុជានិងថៃ នៅក្នុងកិច្ចប្រជុំកំពូលអាស៊ាននៅទីក្រុងគូឡាឡាំពួ គឺជាជំហានសំខាន់មួយឆ្ពោះទៅរកសន្តិភាព និងស្ថិរភាពក្នុងតំបន់។ បន្ថែមពីនេះ អាល្លឺម៉ង់ ក៏បានជំរុញឱ្យភាគីទាំងពីរបន្តកិច្ចសន្ទនា និងកិច្ចសហប្រតិបត្តិការ ព្រមទាំងបើកព្រំដែនេពាណិជ្ជកម្មឡើងវិញ និងបន្តទំនាក់ទំនងឱ្យបានដូចមុនលើគ្រប់វិស័យរវាងប្រទេសទាំងពីរ។
ដោយឡែក បើតាមការព្យាកររបស់គណៈកម្មធិការសេដ្ឋកិច្ចដែលស្ថិតក្រោមការគ្រប់គ្រងរបស់រដ្ឋាភិបាលថៃគឺនាយករដ្ឋមន្រ្តី អានុទីន ឆានវីរៈគល់ និងរាយការណ៍បន្តដោយសារព័ត៌មាន Bloomberg បានបញ្ជាក់ថា ប្រទេសថៃនឹងខាតបង់ប្រាក់ចំណូលកាន់តែធ្ងន់ធ្ងរដែលនឹងកើនរហូតដល់ទៅ ១០០ពាន់លានបាត ឬស្មើនឹងប្រមាណ ៣,១០០លានដុល្លារអាម៉េរិក ប្រសិនបើស្ថានភាពព្រំដែននៅបន្តបិទរហូតដល់ចុងឆ្នាំនេះ។
ជាការកត់សម្គាល់៖ ប្រទេសមហាអំណាចធំៗ ដូចជា អាមេរិក,បារាំង, ជប៉ុន, អូរស្ត្រាលី និងអាល្លឺម៉ង់រួមទាំងប្រទេសនៅក្នុងតំបន់អាស៊ានផង បានប្រកាសគាំទ្រចំពោះកិច្ចព្រមព្រៀងសន្តិភាព រវាងកម្ពុជា-ថៃដែលកើតឡើងនៅប្រទេសម៉ាឡេស៊ីឲ្យវិលត្រឡប់ទៅរកទំនាក់ទំនងគ្នាដូចដើមឡើងវិញ៕
ស្ថានីយទូរទស្សន៍ខេត្តព្រះសីហនុ ដោយ៖ ង៉ែត ពិសាន្ត
កំណែប្រភព
{
"publishedSourceRevision": "1",
"publishedWorkingVersionId": "17088",
"languageVersionId": "15059",
"visibilityVersion": "2",
"versionToken": "a1.UAJjlD4NQ8ym8hU3DfYXITY72-0T9gjK-intPKb-xL0"
}ការបញ្ចូលក្នុងបញ្ជីប្រភព មិនមែនជាការបញ្ជាក់ថាព័ត៌មានទាំងអស់ត្រូវបានផ្ទៀងផ្ទាត់ទេ។ សូមពិនិត្យកាលបរិច្ឆេទ និងប្រភពបច្ចុប្បន្នសម្រាប់តម្លៃ គោលនយោបាយ និងការដឹកជញ្ជូន។