ការកំណត់ព្រំដែនកម្ពុជា–ថៃ ដើម្បីធានាសន្តិភាពរឹងមាំនាពេលអនាគត
លោក ប្រាក់ សុខុន ដឹកនាំអង្គទូតទៅថ្មដាថ្ងៃទី២៧ ខែមីនា ខណៈកម្ពុជាបង្ហាញការត្រៀមខ្លួនបន្តការវាស់វែងព្រំដែន។
ខ្លឹមសារប្រភព
នៅថ្ងៃទី២៧ ខែមីនា ឆ្នាំ២០២៦ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីនៃក្រសួងការបរទេស និងសហប្រតិបត្តិការអន្តរជាតិ បានដឹកនាំអង្គទូត និងតំណាងទីភ្នាក់ងារអង្គការសហប្រជាជាតិ និងអង្គការអន្តរជាតិប្រចាំកម្ពុជា ចុះពិនិត្យទីតាំង នៅឃុំថ្មដា ស្រុកវាលវែង ខេត្តពោធិ៍សាត់ នៃប្រទេសកម្ពុជា ដែលកម្ពុជាថាកងទ័ពថៃបានកាន់កាប់ដោយខុសច្បាប់ ហើយបន្តដាក់ពង្រាយទូកុងតឺន័រ និងបន្លាលួស។
ក្នុងនាមជាប្រទេសជិតខាង និងជាសមាជិកអាស៊ាន កម្ពុជាត្រៀមខ្លួនបន្តពិភាក្សាតាមយន្តការដែលមាន ដើម្បីដោះស្រាយជម្លោះតាមច្បាប់អន្តរជាតិ។ យន្តការ JBC, GBC និង RBC ជាមធ្យោបាយដែលធានាសន្តិភាពនិងវិបុលភាពរួមគ្នា។
តាមរយៈសេចក្តីប្រកាសរួមថ្ងៃទី២៧ ខែធ្នូ ឆ្នាំ២០២៥ គណៈកម្មការ JBC គឺជាយន្តការសំខាន់សម្រាប់ការកំណត់ព្រំដែនកម្ពុជា–ថៃ។ កម្ពុជាត្រៀមខ្លួនជាស្រេច ដើម្បីចាប់ផ្ដើមបន្តការងារវាស់វែងព្រំដែនជាបន្ទាន់ ដោយផ្អែកលើឯកសារច្បាប់ពាក់ព័ន្ធ ដើម្បីធានាសន្តិភាព និងទប់ស្កាត់ជម្លោះនាពេលអនាគត៕ អត្ថបទ៖ ឡាយ កុល
កំណែប្រភព
{
"publishedSourceRevision": "1",
"publishedWorkingVersionId": "14389",
"languageVersionId": "9225",
"visibilityVersion": "2",
"versionToken": "a1.rk2Y9lEgK2AU7MRSBtKU4lQJdbFZjQKdk28yR5Ik2mQ"
}ការបញ្ចូលក្នុងបញ្ជីប្រភព មិនមែនជាការបញ្ជាក់ថាព័ត៌មានទាំងអស់ត្រូវបានផ្ទៀងផ្ទាត់ទេ។ សូមពិនិត្យកាលបរិច្ឆេទ និងប្រភពបច្ចុប្បន្នសម្រាប់តម្លៃ គោលនយោបាយ និងការដឹកជញ្ជូន។