ក្រសួងការងារ ប្រកាសឱកាសការងារច្រើនសន្ធឹកសន្ធាប់នៅភ្នំពេញ ជាង២២,០០០កន្លែង ស្វាគមន៍អតីតពលករ និងអ្នកស្វែងរកការងារ
តួលេខផ្សព្វផ្សាយគិតត្រឹមថ្ងៃទី២៨ ខែមីនា មានការងារ២២២១៩កន្លែងក្នុងឧស្សាហកម្មនិងសេវាកម្ម ដោយអាចមើលខិតបណ្ណក្រសួងឬទាក់ទង១២៩៧។
ខ្លឹមសារប្រភព
រាជធានីភ្នំពេញ៖ ក្រសួងការងារ និងបណ្ដុះបណ្ដាលវិជ្ជាជីវៈ បានប្រកាសថា រាជធានីភ្នំពេញ ដែលជាគន្លងសេដ្ឋកិច្ចសំខាន់នៃប្រទេសកម្ពុជា កំពុងផ្តល់ឱកាសការងារជាច្រើនសន្ធឹកសន្ធាប់ សរុបជាង ២២,០០០កន្លែង សម្រាប់អតីតពលករដែលត្រឡប់មកពីប្រទេសថៃ ក៏ដូចជាអ្នកកំពុងស្វែងរកការងារធ្វើ។
យោងតាមការផ្សព្វផ្សាយរបស់ក្រសួង គិតត្រឹមថ្ងៃទី២៨ ខែមីនា ឆ្នាំ២០២៦ មានឱកាសការងារចំនួន ២២,២១៩កន្លែង កំពុងរង់ចាំបេក្ខជនចូលបំពេញការងារ ក្នុងវិស័យឧស្សាហកម្ម និងសេវាកម្ម ដែលជាវិស័យសំខាន់ក្នុងការជំរុញកំណើនសេដ្ឋកិច្ចជាតិ។
ដើម្បីចូលរួមទទួលយកឱកាសទាំងនេះ អ្នកស្វែងរកការងារអាចពិនិត្យព័ត៌មានលម្អិតអំពីរោងចក្រ សហគ្រាស និងមុខតំណែងផ្សេងៗ តាមរយៈខិតបណ្ណការងារដែលក្រសួងបានផ្សព្វផ្សាយជាសាធារណៈ។
ជាមួយគ្នានេះ ក្រសួងក៏បានណែនាំឱ្យបងប្អូនអតីតពលករ និងអ្នកស្វែងរកការងារទាំងអស់ អាចទំនាក់ទំនងដោយផ្ទាល់ទៅកាន់រោងចក្រ ឬសហគ្រាសដែលចាប់អារម្មណ៍ ឬទាក់ទងមកលេខទូរស័ព្ទបន្ទាន់ ១២៩៧ ដើម្បីទទួលបានជំនួយក្នុងការសម្របសម្រួល និងស្វែងរកការងារដែលសមស្របផងដែរ។
ការផ្តល់ឱកាសការងារជាច្រើននេះ បង្ហាញពីសមត្ថភាពនៃទីផ្សារការងារនៅភ្នំពេញ ដែលកំពុងតែសកម្ម និងមានសក្ដានុពលខ្ពស់ក្នុងការទទួលយកកម្លាំងពលកម្មវិញ៕ ដោយ៖ KPS99TV
កំណែប្រភព
{
"publishedSourceRevision": "1",
"publishedWorkingVersionId": "14386",
"languageVersionId": "9216",
"visibilityVersion": "2",
"versionToken": "a1.bgXValoEELDCg1eTWqLR-FlTrxKoNbfGpJnCXDUHK2U"
}ការបញ្ចូលក្នុងបញ្ជីប្រភព មិនមែនជាការបញ្ជាក់ថាព័ត៌មានទាំងអស់ត្រូវបានផ្ទៀងផ្ទាត់ទេ។ សូមពិនិត្យកាលបរិច្ឆេទ និងប្រភពបច្ចុប្បន្នសម្រាប់តម្លៃ គោលនយោបាយ និងការដឹកជញ្ជូន។