អ្នកនាំពាក្យការិយាល័យប្រធានាធិបតីកូរ៉េខាងត្បូងថា ចាប់ពីកូរ៉េនិងកម្ពុជាចាប់ផ្ដើមសហការអនុវត្តច្បាប់ក្នុងខែតុលាឆ្នាំនេះ ពលរដ្ឋកូរ៉េខាងត្បូង១០៧នាក់សង្ស័យពាក់ព័ន្ធឆបោកអនឡាញត្រូវបានបញ្ជូនពីកម្ពុជាត្រឡប់។ កិច្ចសហការផ្ដោតលើការកើនឡើងខ្លាំងនៃឆបោកលើពលរដ្ឋកូរ៉េ ដោយរួមគ្នាតាមរក ចាប់អ្នកសង្ស័យ និងបញ្ជូនត្រឡប់តាមច្បាប់។
អ្នកនាំពាក្យថា គិតត្រឹមចុងខែវិច្ឆិកា កម្ពុជាចាប់ខ្លួនអ្នកសង្ស័យកូរ៉េពាក់ព័ន្ធករណីសរុប១៥៤នាក់។ ទន្ទឹមនោះ ករណីពលរដ្ឋកូរ៉េបាត់ខ្លួនឬត្រូវឃុំខ្លួនខុសច្បាប់នៅកម្ពុជាថយចុះយ៉ាងច្បាស់។ រដ្ឋាភិបាលកូរ៉េថានឹងបន្តតឹងរ៉ឹងចំពោះឧក្រិដ្ឋកម្មឆ្លងដែនដែលគំរាមសុវត្ថិភាពពលរដ្ឋនៅបរទេស។
កូរ៉េខាងត្បូងនឹងបង្កើតទីបញ្ជាការពិសេសឆ្លើយតបឧក្រិដ្ឋកម្មឆ្លងដែន ដោយបញ្ចូលធនធានការទូត យុត្តិធម៌ ចារកម្ម និងប៉ូលិស។ ភាគីកម្ពុជាបានបង្កើតអង្គភាពប៉ូលិសពិសេសរួចហើយ ដើម្បីចាត់ការឧក្រិដ្ឋកម្មពាក់ព័ន្ធពលរដ្ឋកូរ៉េ។
រាយការណ៍សរុបដោយស្ថានីយយើង
