ឯកអគ្គរដ្ឋទូតចិនប្រចាំនៅកម្ពុជា លោក វ៉ាង វិនពីន សង្ឃឹមថាយុវជនមកពីប្រទេសទាំងពីរនឹងបន្តរក្សាចំណងមិត្តភាពចិន-កម្ពុជា រក្សាប្រពៃណីដ៏ល្អនៃភាពស្មោះត្រង់ ការជឿទុកចិត្តគ្នាទៅវិញទៅមក សមភាព និងការជួយគ្នាទៅវិញទៅមក ចាប់យកឱកាសប្រវត្តិសាស្ត្រនៃការពង្រីកកិច្ចសហប្រតិបត្តិការចិន-កម្ពុជាជាបន្តបន្ទាប់ កសាងស្ពានមិត្តភាពបន្ថែមទៀតរវាងប្រជាជនចិននិងកម្ពុជា និងជំរុញលទ្ធផលប្រកបដោយផ្លែផ្កាក្នុងការកសាងសហគមន៍វាសនារួមរវាងចិន-កម្ពុជាគ្រប់រដូវកាលក្នុងយុគសម័យថ្មី! ក្នុងឱកាសអញ្ជើញចូលរួមពិធីបើកវេទិកាផ្លាស់ប្តូរមិត្តភាពចិន-កម្ពុជា «ការតភ្ជាប់ផ្លូវសូត្រ» ឆ្នាំ២០២៥។
ស្ថានទូតចិនប្រចាំនៅកម្ពុជា ក៏បានបង្ហាញការសប្បាយរីករាយក្នុងការធ្វើការជាមួយផ្ទះយុវជនដើម្បីមិត្តភាពកម្ពុជា-ចិន និងមូលនិធិចិនសម្រាប់សន្តិភាពនិងអភិវឌ្ឍន៍ ដើម្បីបន្តផ្តល់ការគាំទ្រយ៉ាងខ្លាំងសម្រាប់ការពង្រឹងផ្លាស់ប្តូរ និងពង្រឹងកិច្ចសហប្រតិបត្តិការរវាងយុវជនមកពីប្រទេសចិន និងកម្ពុជា៕
ដោយ៖ ចិន្តា ទីទិ
