ក្រសួងប្រៃសណីយ៍ និងទូរគមនាគមន៍ បានឱ្យដឹងថា បច្ចុប្បន្ន បណ្តាញសង្គម Facebook និងកម្មវិធី Messenger នៅតែបន្តជួបប្រទះបញ្ហារអាក់រអួលក្នុងការប្រើប្រាស់ សម្រាប់អ្នកប្រើប្រាស់មួយចំនួននៅតាមតំបន់ផ្សេងៗ។
គិតរហូតមកទល់ពេលនេះ នៅមិនទាន់មានការបញ្ជាក់ជាផ្លូវការអំពីមូលហេតុនៃបញ្ហានេះនៅឡើយទេ។ ក្រសួងបានអំពាវនាវឱ្យសាធារណជនរង់ចាំព័ត៌មានពីប្រភពផ្លូវការ និងជៀសវាងការចែកចាយព័ត៌មានដែលមិនទាន់បានផ្ទៀងផ្ទាត់។
ក្រសួងប្រៃសណីយ៍ និងទូរគមនាគមន៍ បញ្ជាក់ថា ខ្លួនកំពុងតាមដានស្ថានការណ៍នេះយ៉ាងដិតដល់ និងនឹងជូនដំណឹងបន្ថែមជាបន្តបន្ទាប់ ប្រសិនបើមានព័ត៌មានថ្មី ឬការបញ្ជាក់ផ្លូវការណាមួយពាក់ព័ន្ធនឹងបញ្ហានេះ។
